Reparto de cinceiros 2017

O vindeiro sábado 26 de agosto pola mañá (de 10 a 13h.) realizarase o xa tradicional reparto de cinceiros da Asociación Fontaíña nas praias de Baluarte e Fontaíña (Coruxo). 

Lugar de encontro e material necesario: Praia da Fontaíña no lugar do Breadouro. O número de prazas é limitado.

As persoas interesadas teñen que apuntarse no correo electrónico diegodalimia@gmail.com

É recomendable levar roupa e calzado cómodos.


As praias de Fontaiña e Baluarte son uns dos areais vigueses que contan con ecosistemas dunares en bo estado de conservación, resultado dun proxecto de voluntariado ambiental levado a cabo pola Asociación Fontaíña dende 1993.

Ó longo de todo este tempo cabe sinalar a detección dun problema específico relacionado coa limpeza da area destas praias, xa que ó ser visitada maioritariamente por xente nova e de mediana idade, moitos/as deles/as persoas fumadoras, aparecen multitude de cabichas dispersas pola area, co que se xeran unha serie de problemas ambientais:

- Contaminación visual e química da area.
- Posibles afeccións a organismos que habitan na area dunha praia (plantas, invertebrados, microorganismos) cun alto valor ecolóxico.
- Redución da calidade da area dende o punto de vista do uso humano (bañistas, turismo,...).

A Asociación Fontaíña vén traballando regularmente a prol da solución deste problema mediante a organización anual da chamada “Operación Cabicha” celebrada o pasado mes de xullo, na que voluntarios da Asociación peitearon toda a praia recollendo desperdicios de pequeno tamaño (cabichas, plásticos, papeis, chapas,...) de orixe artificial, deixando os restos orgánicos, principalmente algas, para substento das comunidades biolóxicas que se asentan nesta praia. Evítase en todo caso promover a limpeza mecánica da praia con tractor, xa que o paso da maquinaria pesada sobre a duna podería deteriorala e, ademáis, o tamizado mecánico da area (útil en praias urbanizadas) neste caso perxudicaría a formación de dunas embrionarias na costa.

O vindeiro sábado repartiranse cinceiros de praia entre os bañistas, realizándose ó mesmo tempo unha laboura informativa e de concienciación entre os usuarios da praia. Ademais disto, a propia praia de Baluarte conta cunha serie de cinceiros fixos, instalados no valado de proteción das dunas que son baleirados periodicamente polo persoal de limpeza de praias.

Consultas no correo electrónico diegodalimia@gmail.com

Resumo da Operación Cabicha 2017

O luns 31 de xullo, de 9 a 12h, un grupo de 10 persoas voluntarias (6 adultas e 4 menores) limparon 1,5 kg de cabichas do areais de Baluarte (que pertence ó Espazo Natural de Interes Local -ENIL- "Dunas do Vao") e de Fontaíña. Despois da limpeza repartíronse cabicheiros entre os bañistas fumadores, para conciencialos da importancia de non tirar este tipo de lixo, de moi dificil limpeza, na area, pois contamínase un medio no que habitan moitos organismos de interese para o ecosistema litoral e ademais obriga a mecanizar a limpeza da areal co forte impacto ambiental que provoca o tamizado con máquina.  

Moitas grazas a todos os participantes na limpeza e a toda a xente que colabora mantendo limpas estas dúas praias de grande valor ecolóxico.

Operación Cabicha 2017. Participa¡¡

O vindeiro luns 31 de xullo pola mañá (de 9 a 12:30h.) realizarase a xa tradicional Operación Cabicha nas praias de Baluarte e Fontaíña (Coruxo). 

Encontrarémonos no lugar de Breadouro, entre os areais de Fontaíña, Baluarte e do vao(Coruxo-Vigo).

O número de prazas é limitado (20 voluntarios/as). Poden asistir nenos e nenas acompañados/as dun adulto. 

As persoas interesadas teñen que apuntarse no correo electrónico fontainhavigo@yahoo.es Hai que traer gorra e é recomendable levar roupa e calzado cómodo para traballar. 

As praias de Fontaiña é Baluarte son uns dos areais vigueses que contan con ecosistemas dunares en bo estado de conservación, resultado dun proxecto de voluntariado ambiental levado a cabo pola Asociación Fontaíña dende 1993. Ó longo de todo este tempo cabe sinalar a detección dun problema específico relacionado coa limpeza da area destas praias, xa que ó ser visitada maioritariamente por xente nova e de mediana idade, moitos/as deles/as persoas fumadoras, aparecen multitude de cabichas dispersas pola area, co que se xeran unha serie de problemas ambientais: 

• Contaminación visual e química da area. 
• Posibles afeccións a organismos que habitan na area dunha praia (plantas, invertebrados, microorganismos) cun alto valor ecolóxico. 
• Redución da calidade da area dende o punto de vista do uso humano (bañistas, turismo,...). 

A Asociación Fontaíña vén traballando regularmente a prol da solución deste problema mediante a organización anual da chamada “Operación Cabicha”, na que voluntarios da Asociación, nunha xornada de verán, peitean toda a praia recollendo desperdicios de pequeno tamaño (cabichas, plásticos, papeis, chapas,...) de orixe artificial, deixando os restos orgánicos, principalmente algas, para substento das comunidades biolóxicas que se asentan nesta praia. Evítase en todo caso promover a limpeza mecanica da praia con tractor, xa que o paso da maquinaria pesada sobre a duna podería deteriorala e, ademáis, o tamizado mecánico da area (útil en praias urbanizadas) neste caso perxudicaría a formación de dunas embrionarias na costa. Esa mesma xornada repartiranse cinceiros de praia entre os bañistas, realizándose ó mesmo tempo unha laboura informativa e de concienciación entre os usuarios da praia. 

Ademais disto, a propia praia de Baluarte conta cunha serie de cinceiros fixos, instalados no valado de proteción das dunas que son baleirados periodicamente polo persoal de limpeza de praias. 

Máis información e resumos de anteriores actividades na web de Fontaíña http//: fontainhavigo.blogspot.com e no facebook de Fontaiña.
 

Consultas e inscricións no correo electrónico de Fontaíña fontainhavigo@yahoo.es

O vindeiro domingo 9 de abril pola mañá (de 9 a 13 h.) realizarase a XIII edición do censo de aves en paso prenupcial do treito costeiro que vai dende Cabo de Mar (Alcabre) ata a Praia de Baluarte (Coruxo), pasando pola Xunqueira do Lagares.
O lugar de encontro será en Cabo de Mar (no extremo leste do paseo de Samil) ás 9:00 h.
O número de prazas é limitado (7 voluntarios/as).
Nesta actividade os e as participantes irán acompañados por un ornitólogo da asociación Fontaíña e axudarán a identificar e a contar as aves acuáticas que se atopen no seu percorrido. Dita información serve para coñecer o estado ambiental deste treito de costa en xeral e das poboacións de aves acuáticas do mesmo en particular.
As persoas interesadas teñen que apuntarse no correo electrónico diegodalimia@gmail.com indicando o número de teléfono e se se precisan prismáticos.
É recomendable levar prismáticos e roupa e calzado cómodos para camiñar.
Dende a Asociación Fontaíña queremos dar as grazas a todas as persoas que colaboran nas actividades ornitolóxicas en particular e nas actividades de voluntariado da asociación en xeral.

Plantío nos montes de Teis

Un ano máis, baixo a organización da Comunidade de Mtes. de Teis, participou a Asoc. Fontaíña cun grupo de voluntarios, adultos e nenos, plantando árbores autóctonas no Mte. da Madroa. A actividade celebrouse o domingo 19 de febreiro pola mañán (estaba programada par o 18 pero pospúxose pola choiva).  Parabéns a tódolos participantes e noraboa ós comuneiros de Teis pola excelente laboura de recuperación dos bosques autóctonos que están a facer desde hai décadas.

Censo de aves invernantes: Un par de imaxes.

O pasado 28 de xaneiro un grupiño de voluntarios realizou a habitual censo de aves no tramo Cabo de Mar-Coruxo. Nas fotos, aportadas polo voluntario Xose Crespo, vemos os ornitológos en plena traballo. Grazas pola colaboración.

Agradecemento a Nestor polo seu labor como viveirista

Desde a Asociación Fontaíña queremos agradecer o traballo realizado polo voluntario Néstor Vázquez (de Equo) durante un ano enteiro con un cento de carballos e cerquiños, encargandose da súa vixianza e coidado. Gracias ó seu labor estas arboriñas poideron ser plantadas nos Montes de Teis polos voluntarios o pasado día 19 de febreiro.