Asociación que desenvolve actividades de voluntariado ecolóxico na bisbarra de Vigo.
e-mail: fontainhavigo@yahoo.es
Tfno.: 679457222



31/12/11

Resumo de actividades voluntariado OMV en decembro

Xoves 15/12/11. Xuntanza de voluntarios/as do Programa de Medio Ambiente da Oficina Municipal de Voluntariado de Vigo.
En total asistiron 11 voluntarios.
A xuntanza constou de catro partes:
  1. Recepción de asistentes e presentación en grupo. Explicación dos motivos da organización da actividade.
  2. Exposición, mediante unha presentación de powerpoint, das actividades realizadas dende marzo ata setembro de 2011. Apuntamento das vindeiras actividades en 2012.
  3. Enquisa de avaliación ós voluntarios, na que se valoraba diferentes aspectos do programa de medio ambiente e se solicitaban suxerencias. Os resultados globais da mesma foron estes:

Criterios de calificación : 1-Moi mal, 2-Mal, 3-Regular, 4-Ben, 5-Moi Ben


Programa Medio Ambiente

1

2

3

4

5

Monitores





5,0

Material




4,4


Organización




4,8


Grao de utilidade/interese




4,8


Valoración global do período outubro 2010-marzo 2011




4,8



Aspectos positivos que se destacaron: Compañeirismo (6 opinións similares), monitores (4 opinións similares), cursiños (3 opinións similares), conservación dunar (2 opinións similares), aprendizaxe (2 opinións similares), xuntanzas (2 opinións similares), actividades medio ambiente, colaboración cidadá na limpeza das praias, traballos de mantemento dos espazos naturais, , eliminación flora invasora, variedade de actividades.
Aspectos negativos que se comentaron: Comportamento incívico da xente(2 opinións similares), poucas actividades, que non haxa excursión de fin de curso, poucos cursos.
Suxerencias que se fixeron:
Máis cursos de insectos anfibios, fentos, etc…
Máis colaboración con outras entidades medioambientais, comunidades de montes. Máis actividades en fin de semana.
Formación en reciclaxe e compostaxe.

Sábado 17/11/12. Obradoiro polo litoral na Xunqueira do Lagares. Traballos realizados: Eliminación de flora exótica bioinvasora, limpeza de lixo na marisma, limpeza de graffitis en carteis de acceso, poda, titorización e fertilización de arboriñas.
En total asistiron 12 voluntarios.



Martes 27/12/11. Bricovoluntarios en Cabo de Mar.
Traballos realizados: Limpar lixo de dunas, praia, rochas e piñeiral, eliminar rebrotes de uña de gato, limpar entullo, revisar valado, colocar pantallas de captación de area e reparar desperfectos pequenos.
En total asistiron 6 voluntarios.


Mércores 28/12/11. Bricovoluntarios na praia da Fontaíña-Baluarte. Traballos realizados: Limpar lixo de dunas e praia, eliminar flora exótica, revisar valados e arranxar desperfectos no mesmo.
En total asistiron 6 voluntarios.

7/12/11

Novas actividades ecolóxicas para nenos

BOSQUES EN FAMILIA

Despois dun longo paréntese a Asociación Fontaíña retoma as actividades do seu grupo xuvenil “Obradoiro da Natureza”. Comentarvos que na campaña que agora bota a andar os rapaces desenvolverán un proxecto denominado “Bosques en familia” e que conta co patrocinio de Voz Natura.

Os rapaces realizarán actividades en defensa da natureza relacionadas cos bosques, nas que tamén, se queredes, poderan estar acompañados polos seus pais ou algún familiar adulto. Nas actividades tamén colaborará voluntariado da Oficina Municipal de Voluntariado de Vigo e, coma sempre, os monitores de Fontaíña se encargarán de organizar as actividades.

Ó igual que fixemos o pasado curso, os nenos inscritos, recibiran por correo unha convocatoria cada certo tempo (en principio temos previsto facer una actividade cada dous meses aproximadamente) e lembrar que os pais deben avisarnos se os seus fillos van asistir a cada unha das actividades (trátase dunha cuestión organizativa para o tema de material, monitores e avituallamento).
Os nenos deben traer roupa cómoda para andar polo campo e que poidan manchar. A asociación facilitaralles lubas (guantes) para traballar e o avituallamento.

Outro tema que vos queremos comentar é que se coñecedes a algun rapaz ou rapaza de entre 6 e 13 anos de idade, interesado en participar nas actividades de Fontaíña lles comentedes que se apunten chamando ao teléfono da asociación.

Velaí tedes o calendario da primeira actividade:
  • Sábado 17/12/11 de 10 a 13h. Traballos forestais na Xunqueira do Lagares. Os participantes realizarán coidados das árboriñas de ribeira plantadas en invernos anteriores e limparán as marxes do río. Os nenos deben traer unha autorización para participar asinada polos pais. O lugar de encontro será na ponte de madeira que hai no Paseo Peonal do Lagares (a carón da depuradora, na estrada Muíños-Samil). Os nenos deben traer botas de auga e roupa que poidan manchar sen problema.
AVISO IMPORTANTE: LEMBRADE QUE É NECESARIO AVISAR DA PARTICIPACIÓN DOS RAPACES PARA CADA ACTIVIDADE, CUN MÍNIMO DE DOUS DÍAS ANTES DA SÚA CELEBRACIÓN. Podédelo facer chamando ou mandando unha mensaxe ó tfno. 679457222 ou ben ó correo electrónico fontainhavigo@yahoo.es

3/12/11

Actividades de voluntariado ambiental en decembro de 2011

Este é o calendario de actividades de voluntariado medioambientaal para o mes de decembro de 2011. Animádevos a participar¡

Xoves 15/12/11. Xuntanza de voluntarios/as do Programa de Medio Ambiente da Oficina Municipal de Voluntariado de Vigo, na Sala de Xuntanzas do 1º andar do Centro Cívico do Casco Vello (r/Oliva, nº12). Preténdese que nesta xuntanza fagamos unha valoración do realizado neste ano que remata. Proxectaremos fotos das accións de voluntariado e vos presentaremos as iniciativas para o vindeiro ano. Animádemos a participar¡ Queremos coñecer a vosa opinión¡. Tódolos asistentes recibiran un CD coas fotos dos voluntarios participantes e os seus traballos e tamén algún que outro agasallo. Horario: 19:00-20:00 h.

Sábado 17/12/11. Obradoiro polo litoral na Xunqueira do Lagares. Eliminación de flora exótica bioinvasora, limpeza de lixo na marisma, titorización e coidado de arboriñas plantadas. Horario: 10:00-13:00 h. Nº de prazas: 15.

Nesta actividade tamén participará o grupo de rapaces/as da sección de “voluntarios” infantís “Obradoiro da Natureza-Voznatura” da Asociación Fontaíña. Polo tanto, lembramos ós voluntarios da OMV que se apunten a esta actividade teñan en conta que van ter que colaborar e axudar ós rapaces nas súas tarefas.

Lugar de encontro e material necesario: Ponte de madeira no Lagares, na estrada Muíños-Samil, perto da Depuradora. No caso de que xa os recibiran, os voluntarios/as deberán traer os seus traxes, botas de auga e lubas.

Martes 27/12/11 Bricovoluntarios en Cabo de Mar. Limpar lixo de dunas, praia, rochas e piñeiral, eliminar rebrotes de uña de gato, limpar entullo, revisar valado, colocar pantallas de captación de area e reparar desperfectos pequenos.

Horario: 10:00-13:00 h. Nº de prazas: 7.

Lugar de encontro e material necesario: Praia do Cocho das Dornas-Cabo de Mar, no Paseo de Samil (perto do restaurante Dornas e a praia da Fonte). No caso de que xa os recibiran, os voluntarios/as deberán traer as súas lubas, botas e traxes de auga.

Mércores 28/12/11. Bricovoluntarios na praia da Fontaíña-Baluarte. Limpar lixo de dunas e praia, eliminar flora exótica, revisar valados, arranxar pequenos desperfectos, reposición de paneis informativos, colocar titores ós piñeiros. Horario: 16:30-18:30 h. Nº de prazas: 7.

Praia da Fontaíña (perto da do Vao) no lugar do Breadouro. No caso de que xa os recibiran, os voluntarios/as deberán traer as súas lubas, botas e traxes de auga.

Para participar en calquera destas actividades é obrigatorio:

a)Estar inscrito como voluntario/a na OMV (Oficina Municipal de Voluntariado) do Concello de Vigo: Pza. do Rei, s/n; '986810213; ofi.voluntariado@vigo.org

b)Inscribirse na OMV, dentro dos prazos sinalados.

Consultas sobre a actividade no correo electrónico de Fontaíña fontainhavigo@yahoo.es

Actividades realizadas no outono de 2012

Deseguido facemos un resumo das diferentes actividades de voluntariado ambiental realizadas en setembro outubro e novembro de 2011.

Sabado 3/9/11. Censo de aves na Costa de Vigo.
Participaron 8 persoas.


Sábado 24/9. Obradoiro polo litoral en Fontaíña-Baluarte. Traballos realizados: Limpar lixo de dunas e praia, eliminar flora exótica, revisar valados e arranxalos desperfectos, fertilizar e colocar titores ós piñeiros mansos. Horario: 10:00-13:00 h. Asistentes: En total asistiron 11 voluntarios.


Domingo 25/9/11. Acto da Comunidade de Mtes. de Teis. Presentación dunha revista. Asistiu un representante da Asociación Fontaíña.

Xoves 29/9/11. Bricovoluntarios en Cabo de Mar. Traballos realizados: Limpar lixo de dunas, praia, rochas e piñeiral, revisar e reparar o valado, limpar de maleza un camiño. Horario: 16:30-18:30 h. En total asistiron 9 voluntarios.

Luns 26/9/11. Entrevista en Radio Ecca. Nun programa monográfico sobor do voluntariado. Asistiron un representante de Fontaíña e outro dos voluntarios.


Mércores 5/10. Bricovoluntarios na praia da Fontaíña-Baluarte. Traballos realizados: Limpar lixo de dunas e praia, eliminar flora exótica, revisar valados, arranxar pequenos desperfectos, reposición de carteliños informativos. Horario: 16:30-18:30 h. En total asistiron 6 voluntarios.


Sábado 22/10. Obradoiro polo litoral na Xunqueira do Lagares. Traballos realizados: Eliminación de flora exótica bioinvasora, limpeza de lixo na marisma, titorización de arboriñas. Horario: 10:00-13:00 h. En total asistiron 9 voluntarios.


Sábado 30/10. Asistencia ó I Encontro Galego de Custodia do Territorio. Participou como representante da Asociación Fontaíña Diego Rodríguez Vieites nunha mesa redonda sobor da custodia de ecosistemas fluviais e litorais.

1/9/11

Próxima actividade: censo de aves



O vindeiro sábado 3 de setembro, pola mañán (de 9 a 13h) se realizará o censo de aves en paso posnupcial do tramo de costa que vai dende Cabo de Mar ata Toralla, pasando pola Xunqueira do Lagares.

O lugar de encontro será en Cabo de Mar (no extremo leste do paseo de Samil, perto do restaurante Dornas -pechado-) as 9:00h.

O número de prazas é limitado (7 voluntarios/as)

Nesta actividade os participantes irán acompañados por varios ornitólogos e axudarán a identificar e contar as aves que se atopen no seu percorrido. Dita información sirve para coñecer o estado medioambiental deste tramo de costa.
As persoas interesadas teñen que apuntarse no tfno 679457222 ou por correo electrónico fontainhavigo@yahoo.es

18/7/11

Resumo dos obradoiros no litoral e "Operación cabicha"



Luns 27/6. Bricovoluntarios en Fontaíña-Baluarte
Traballos realizados: Limpar lixo de dunas e praia, eliminar flora exótica, revisar valados e arranxar pequenos desperfectos.
Horario: 17:00-19:00 h. Asistentes: En total asistiron 6 voluntarios, que fixeron as seguintes tarefas...
  1. Sinalización de valados deteriorados: un grupo de dous voluntarios levou a cabo a sinalización con cinta de cores de varios puntos de valado con pequenos desperfectos.
  2. Limpeza de lixo: dous voluntarios realizaron unha limpeza de lixo das dunas e da praia.
  3. Eliminación de flora exótica: se eliminaron exemplares de dúas plantas bioinvasores das dunas: Arctotheca calendula e Conyza canadensis.

Sábado 2/7/11. Obradoiro en Cabo de Mar.
Traballos realizados: Limpar lixo de dunas, praia, rochas e piñeiral, eliminar rebrotes de uña de gato, limpar entullo, revisar valado e reparar desperfectos pequenos.
Horario: 10:00-12:00 h. Asistentes: En total asistiron 9 voluntarios, que traballaron facendo...
  1. Sinalización de valados deteriorados: un grupo de voluntarios levou a cabo a sinalización con cinta de cores de varios puntos de valado con pequenos desperfectos.
  2. Limpeza de lixo: os voluntarios realizaron unha limpeza de lixo das dunas e da praia. Se retiraron catro bolsas grandes cheas de lixo.
  3. Eliminación de flora exótica: se buscaron exemplares dunha planta bioinvasora das dunas: Carpobrotus sp. pero non se atopou nin un so exemplar.

Luns 4/7/11. Inspección ambiental na Xunqueira.
Traballos realizados: Localización de exemplares de flora exótica invasora, catalogación de arboriñas plantadas nos dous derradeiros invernos
Horario: 10:00-12:00 h. Asistentes: En total asistiu 1 voluntariaque fixo dpus tipos de tarefas...
  1. Localización de exemplares de flora exótica bioinvasora: fíxose un control, de posibles rebrotes de herba das pampas (Cortaderia selloana) non atopándose nin un so exemplar.
  2. Catalogación de arboriñas plantadas nos dous derradeiros invernos: A medida que camiñaban o grupo trataba de localizar as arboriñas plantadas nos dous derradeiros anos. En xeral presentan bo aspecto, están titorizadas, destacando que nalgunhas zonas as malezas (silvas principalmente) están demasiado altas e sería convinte realizar un desbroce controlado (sen estragar as arboriñas). Proponse enviar un escrito ou solicitude ó Dpto. de Parques e Xardíns para que se encarguen do desbroce.

Luns 16/7. Operación Cabicha en Fontaíña-Baluarte.
Traballos realizados: Limpeza de cabichas na praia e campaña de concienciación cidadá. Horario: 10:00-13:00 h. Asistentes: En total asistiron 14 voluntarios que fixeron a seguinte actividade...

Primeiramente o monitores da actividade, procederon a pasar lista de asistencia. Despois fíxose unha breve explicación dos obxectivos da Operación Cabicha a metodolóxía de traballo.. Posteriormente se entregou o material necesario (luvas, chalecos da OMV, bolsas, recolledores de cabichas, angazos, aramio e ferramentas para valados) e os participantes foron divididos en tres grupos, desenvolvendo cada un deles diferentes tarefas, que foron explicadas tanto a nivel de motivos polos que se levaban a cabo como do sistema de traballo:
  1. Reparación de valados deteriorados: un grupo de dous voluntarios levou a cabo a reparación de varios puntos de valado con pequenos desperfectos.
  2. Angazado da area:: catro voluntarios realizaron un pase cos angazos sobre a area da praia, coa finalidade de remover as cabichas que estaban soterradas.
  3. Retirada das cabichas: o resto de voluntarios, oito persoas se adicaron a retirar as cabichas. Dispoñíanse detrás dos angazos e situabanse nunha ringleira dende a beira do mar ata as dunas.
  4. Reparto de cinceiros: estaba previsto o reparto de cinceiros de praia, pero, como consecuencia do tempo nubrado, non había xente na praia.
Tamén estaba presente o Concelleiro de Voluntariado, Santos Hector, atendendo ós medios de comunicación que acudiron a recoller información. Unha vez rematados os traballos, o grupo de voluntarios reuniuse para recoller o material e se lles dou un avituallamento (bocadillo e botellín de auga). Aproveitouse tamén para facer unha valoración da sesión de traballo. A impresión dos monitores é que o grupo fixo un bo traballo.
Eiqui tedes uns enlaces con novas sobor deste evento:

La Voz de Galicia

Faro de Vigo

25/6/11

Actividades de voluntariado ambiental para o verán

Vos informamos do calendario de actividades medioambientais que a Oficina Municipal de Voluntariado, baixo a coordenación da Asociación Fontaíña, levará a cabo no verán:

Luns 27/6. Bricovoluntarios en Fontaíña-Baluarte. Limpar lixo de dunas e praia, eliminar flora exótica, revisar valados e arranxar pequenos desperfectos. Horario: 17:00-19:00 h. Nº de prazas: 6. Lugar de encontro e material necesario: Praia da Fontaíña (perto da do Vao) no lugar do Breadouro. No caso de que xa os recibiran, os voluntarios/as deberán traer as súas lubas.

Sábado 2/7. Obradoiro en Cabo de Mar. Limpar lixo de dunas, praia, rochas e piñeiral, eliminar rebrotes de uña de gato, limpar entullo, revisar valado e reparar desperfectos pequenos. Horario: 10:00-12:00 h. Nº de prazas: 10. Lugar de encontro e material necesario: Praia do Cocho das Dornas-Cabo de Mar, no Paseo de Samil (perto do restaurante Dornas e a praia da Fonte). No caso de que xa os recibiran, os voluntarios/as deberán traer as súas lubas.

Luns 4/7. Inspección ambiental na Xunqueira. Identificación de impactos ambientais. Horario: 10:00-12:00 h. Nº de prazas: 5. Lugar de encontro e material necesario: Ponte de madeira no Lagares, na estrada Muíños-Samil, perto da Depuradora.

Sábado 16/7. Operación Colilla en Fontaíña. Limpeza de cabichas na praia e campaña de concienciación cidadá. Horario: 10:00-13:00 h. Nº de prazas: 30. Lugar de encontro e material necesario: Praia da Fontaíña (perto da do Vao) no lugar do Breadouro. No caso de que xa os recibiran, os voluntarios/as deberán traer as súas lubas.

Xoves 11/8 Operación Cabicha. Reparto de cinceiros e campaña informativa en Fontaíña-Baluarte. Horario: 17:00-18:00 h. Nº de prazas: 7. Lugar de encontro e material necesario: Praia da Fontaíña (perto da do Vao) no lugar do Breadouro.

Martes 17/8. Operación Cabicha. Reparto de cinceiros e campaña informativa en Fontaíña-Baluarte. Horario: 17:00-18:00 h. Nº de prazas: 7. Lugar de encontro e material necesario: Praia da Fontaíña (perto da do Vao) no lugar do Breadouro.


Para participar en calquera destas actividades é obrigatorio:
a)Estar inscrito como voluntario/a na OMV (Oficina Municipal de Voluntariado) do Concello de Vigo: Pza. do Rei, s/n; 986810213; ofi.voluntariado@vigo.org
b)Contactar coa OMV e inscribirse para participar nas datas de interese.
Consultas no correo electrónico de Fontaíña fontainhavigo@yahoo.es

6/5/11

Asistencia á Festa de Fin de Curso VozNatura


Vos informamos de que o vindeiro 4 de xuño celebrarase a Festa de Fin de Curso VozNatura no Parque Acea de Ama, en Culleredo (A Coruña).

Nela exporanse os traballos de tódolos colexios e asociacións participantes no Concurso VozNatura 2010-11, ademais de numerosas actividades.

Podedes consultar máis información sobor desta festa
no seguinte enlace de VozNatura.

Tamén podedes ollar as fotos da festa do ano pasado neste enlace.

VozNatura vai poñer á nosa disposición un autobus gratuíto, sempre e cando haxa un número suficiente de asistentes. Necesitamos saber cantos de vos estaríades interesados en asistir (indicar número de persoas, tanto nenos/as como adultos). Poden vir tanto nenos participantes nas actividades de Fontaíña como os seus familiares e amigos (a única condición é que os nenos estean baixo coidado e responsabilidade dun adulto).

Pola nosa experiencia en anteriores edicións a Festa Voznatura está moi ben organizada e os rapaces o pasan xenial... Animádevos a vir!

Interesador contactar por e-mail coa Asociación Fontaíña.

Cursiño "Botánica Forestal de Galicia"

O curso é de carácter teórico-práctico, 6 horas de duración repartidas en dúas xornadas e se ofertan 25 prazas, tendo prioridade na inscrición aquelas persoas voluntarias que teñan participado regularmente nas actividades do Programa de Medio Ambiente da OMV.
Pretende aportar ós participantes coñecementos teóricos e prácticos que lles permitirán recoñecer as especies forestais galegas e incrementar a súa formación como voluntariado medioambiental forestal, xa iniciada en anteriores cursiños ofertados pola OMV.

Relatora do curso: Margarita Rubido Bará, Bióloga e Mestra


Programación:

Xoves 19/5/11. Sesión teórica: “Botánica forestal de Galicia: identificación das principais especies forestais galegas ”. A actividade se realizará na Sala de Conferencias da Biblioteca Pública Central de Vigo (r/Joaquín Yañez, 6; Casco Vello, Vigo) en horario de 18:00-20:00 h.


Sábado 21/5/11. Sesión práctica: Itinerario polo Parque Natural do Monte Aloia. Nesta visita, os participantes aprenderán, de xeito práctico, a identificar as principais especies forestais dos nosos montes e coñecerán as súas características ecolóxicas. Lugar de encontro: Os participantes trasladaranse ó Monte Aloia nun microbús, que partirá ás 9:30h da r/Areal, nº8 (Edificio do antigo Reitorado), e estarán de volta no mesmo lugar ás 14:00-14:30h.
Tamén deberán levar, se o desexan, o seu propio avituallamento para media mañán. AVISO IMPORTANTE: DURANTE O PERCORRIDO GUIADO NON ESTA PERMITIDO FUMAR, SALVO NOS 15 MINUTOS DE DESCANSO E AVITUALLAMENTO QUE SERAN DETERMINADOS POLA RELATORA DO CURSO, DACORDO COA EVOLUCIÓN DA ACTIVIDADE.

Os participantes recibirán, a finais de ano, un título acreditativo de ter realizado este cursiño de formación de voluntariado.

As persoas interesadas en participar deben anotarse na Oficina Municipal de Voluntariado de Vigo (Tfno. 986810213, e-mail: ofi.voluntariado@vigo.org )

5/5/11

Traballos de voluntariado ambiental no areal de Fontaíña no mes de maio de 2011

Durante os meses de abril e maio de 2011 un grupo de voluntarios (Juan, Rafael, Antonio, Alberto, Jose, Miren, Pilar, Lourdes, Jose Manuel e Edu) levaron a cabo as seguintes tarefas medioambientais na praia e as dunas da Fontaíña:

  1. Reparación de valados: un grupo de cinco voluntarios levou a cabo a reconstrución dun tramo de valado duns 15m de lonxitude, que foi esnaquizado polos temporais de inverno. Tamén se repararon numerosos puntos de valado con desperfectos.
  2. Colocación dun cartel sinalizador: un grupo de tres voluntarios acometeu esta tarefa, consistente na colocación dun cartel sinalizador do espazo natural da praia da Fontaíña no seu acceso central. O cartel, en aluminio serigrafiado, vai suxeito ó solo mediante dous postes cunha base de formigón. Tamén leva unha protección de barniz antigrafiti.
  3. Abonado dos piñeiros: dous voluntarios se adicaron a aplicar un abono específico para os piñeiros mansos que bordean as dunas, coa finalidade de mellorar o seu crecemento.
  4. Limpeza de lixo: os dous voluntarios que remataran o abonado realizaron unha limpeza de lixo das dunas. Recolleronse uns 7kg.
Noraboa a todos eles polo traballo realizado. Graciñas.

8/3/11

Próxima actividade do Obradoiro da Natureza

Para o mes de marzo esta prevista a seguinte actividade cos rapaces do Obradoiro da Natureza, un proxecto de educación ambiental baixo patrocinio de Voz Natura.

Domingo 13/3/11 de 10,30 a 13h. Continuación dos traballos medioambientais na Xunqueira do Lagares.
Os nenos participantes remataran as tarefas da pequena plantación de árbores de ribeira realizada en xaneiro, titorizando as arboriñas para que teñan unha mellor proteción. Se da tempo, limparan as marxes do río e axudarán a eliminar unha planta bioinvasora (brotes pequenos de herba das pampas) que estamos a controlar. Na actividade tamén participarán algúns voluntarios adultos da Oficina Municipal de Voluntariado. O lugar de encontro será na ponte de madeira que hai no Paseo Peonal do Lagares (a carón da depuradora, na estrada Muíños-Samil). Os nenos deben traer botas de auga e roupa que poidan manchar sen problema.

Os rapaces/as interesados/as pódense apuntar no correo electrónico ou no teléfono de Fontaíña.

11/2/11

Suspendida a excursión dos rapaces ó Esteiro do Miño

Por terceira vez, dúas en 2010, vémns na obriga de suspender a actividade do Obradoiro da Natureza para os rapaces do grupo xuvenil de Fontaíña, unha excursión ó Esteiro do Miño para estudar as aves que viven neste espazo natural. Lamentámlo moitísimo e tentaremos organizala en marzo ou ben buscaremos outra altenativa de lugar de interese natural a visitar.

22/1/11

Voznatura: Resumo das actividades de decembro e xaneiro cos rapaces do Obradoiro da Natureza

Domingo 12/12/10 de 10:00 a 13:00h. Percorrido polos Montes de Saiáns. Realizouse un itinerario polos montes comunais de Saiáns e finalmente o grupo achegouse ata os muíños do Regato de Saiáns, onde visitamos estas fermosas e vellas construcións e aproveitamos tan excepcional entorno para tomar un avituallamento. Na primeira metade da mañan realizamos pequena plantación de carballos nunha zona en reforestación. Os participantes desta actividade foron: Miguel, Sabela, Ruth, Mónica e Edu.

Domingo 16/1/11 de 10 a 13h. Traballos medioambientais na Xunqueira do Lagares. Os nenos participantes levaron a cabo unha pequena plantación de árbores de ribeira. En total, entre carballos, amieiros, salgueiros e loureiros, se plantaron unhas trinta arboriñas. Xusto cando se rematou a plantación comezou a chover, aproveitando este contratempo para ir tomar un refresco a un bar próximo. Os participantes nesta actividade foron: Lucía, Miguel, Sabela, Sira, Xosé, Eliana, Madai, Georgina, Ruth, Cruz, Mónica e Edu.



7/1/11

AVISO IMPORTANTE: Suspendido o censo de aves

O censo de aves previsto para o sábado 8/1/11 pola mañán se suspende pola previsión de mal tempo.

Dita actividade se traslada para o domingo 16/1/11, sendo o lugar de encontro en Cabo de Mar as 9:00h.

3/1/11

Próxima actividade: Censo de aves invernantes na costa de Vigo

O vindeiro 8 de xaneiro, pola mañán (de 9 a 13h) se realizara o censo de aves invernantes do tramo de costa que vai dende Cabo de Mar ata Toralla, pasando pola Xunqueira do Lagares.
As persoas interesadas teñen que apuntarse no tfno 679457222 ou por correo electrónico fontainhavigo@yahoo.es

2/1/11

Á terceira vai a vencida: Resumo da actividade de voluntariado ambiental en Cabo de Mar

Mércores 29/12/10. Bricovoluntarios en Cabo de Mar.
Traballos realizadospolos voluntarios da Oficina Municipal de Voluntariado: Reparación de valados, eliminación de pintadas nos carteis sinalizadores do espazo natural, eliminación de flora exótica e limpeza de lixo e entullos das dunas.

Horario: 10:00-12:00 h.

Asistentes: Miren, Isabel, Juan, Alberto e Edu.

Esta actividade estaba inicialmente programada para o 21/12 de 17 a 18:30h pero foi cambiada para o seguinte martes 28/12 pola tarde, xa que coincidía coa homenaxe ós voluntarios realizada polo Concello de Vigo no Antigo Reitorado. Na mañán da segunda data elexida comezou a chover de xeito persistente, polo que foi necesario cambiar de novo a data, elexíndose a seguinte mañán (de 10 a 12h) do mércores 29/12, avisándose por teléfono os voluntarios anotados na lista que enviou a OMV. Por mor deste segundo cambio de data a última hora, a unha serie de voluntarios lles resultou imposible asistir á actividade.
Inicialmente se fixo un reparto de tarefas, dividíndose en dous grupos ós voluntarios. Posteriormente se entregou o material necesario (luvas, chalecos da OMV, bolsas e ferramenta –maletín bricolaxe, laia, angazo, maza- e material funxible –aramio, grapas, produtos de limpeza e panos-):
  1. Reparación de valados: un grupo de dous voluntarios fixo unha revisión xeral do perímetro do valado coa finalidade de localizar desperfectos e reparalos. Fíxose especial fincapé nas grapas metálicas que suxeitan o aramio ós postes de madeira.
  2. Eliminación de pintadas dos carteis sinalizadores: outro grupo de dúas voluntarias procedeu limpar os grafitis que emporcallaban os carteis sinalizadores nos accesos a Cabo de Mar, mediante panos, disolvente e líquido limpador multiusos. Posteriormente se aplicará un barniz antigraffiti coa finalidade de prevenir novos actos vandálicos.
  3. Limpeza de residuos e entullos: os dous voluntarios que repararon o valado, unha vez rematada a súa tarefa procederon a limpar de residuos e entullos a zona de dunas protexidas. Os entullos proceden dun vello soterramento de restos dun quiosco na década dos 70 e o vento vainos desenterrando pouco a pouco. En total se retiraron uns 30kg de entullo e 5 kg de lixo.
  4. Eliminación de flora exótica: localizouse un rebrote de uña de gato (Carpobrotus sp.) na zona onde se estaba a retirar entullo e foi arrincado. Hai que lembrar que a uña de gato é unha planta considerada como bioinvasora na península ibérica e que inzaba a case totalidade estas dunas da praia do Cocho das Dornas ata os anos 90 do século XX, antes de iniciarse o proxecto de recuperación desta zona.
Unha vez rematados os traballos, o grupo de voluntarios reuniuse para recoller o material e ferramenta e se lles propuxo tomar o avituallamento nunha cafetería próxima a Cabo de Mar. Nembargantes, a maioría optou por deixalo para a seguinte ocasión xa que tiñan presa. Hai que sinalar que durante a actividade se lles facilitaron botellíns de auga. Aproveitouse tamén para informar das características do curso de voluntariado forestal que a OMV e Fontaíña organizarán en xaneiro de 2011. A impresión do monitor é que o grupo traballou axeitadamente e xa se vai notando os efectos do traballo regular e contínuo no bo estado da zona, que amosa unha grande variedade de especies da flora dunar galega.