Asociación que desenvolve actividades de voluntariado ecolóxico na bisbarra de Vigo.
e-mail: fontainhavigo@yahoo.es
Tfno.: 679457222



26/2/10

Novas actividades do Obradoiro da Natureza para rapaces

A pesares de que o mal tempo impediu a celebración dunha das derradeiras actividades do “Obradoiro da Natureza: Biodiversidade en Acción”, ímolo tentar de novo tamén vos propoñemos novas actividades. Animádevos a participar.

  • (AVISO IMPORTANTE: ESTA EXCURSIÓN SUSPENDEUSE POLO TEMPORAL) Sábado 27/2/2010 de 9:30 a 18:30h. Excursión ó Esteiro do Miño (A Guarda). Realizaremos un percorrido por un dos espazos naturais de maior importancia de Galicia. Trátase da foz do río Miño, que no seu tramo final forma extensas marismas, areais e xunqueiras, e que serven de refuxio a moitísimas aves migradoras (patos, garzas ou limícolos). O lugar de encontro será o edificio do antigo Reitorado na rúa Areal (esquina r/Oporto), e dende alí partiremos nun microbus cara A Guarda. Os nenos deben traer comida e bebida propias.
  • Sábado 13/3/2010 de 10 a 13h. Praia da Fontaíña (perto da do Vao) no lugar do Breadouro. Traballaremos plantando flora das dunas e reparando os carteis informativos deste espazo litoral. Tamén aproveitaremos para coñecer as plantas máis características do litoral galego.
  • Sábado 17/4/08 de 10 a 13h. Centro Cívico do Casco Vello (na rúa Oliva, nº 12, a carón da Igrexa da Colexiata). Obradoiro para a preparación e montaxe da exposición de Fontaíña que concursará na edición 2009-10 de Voz Natura. Nesta exposición aparecerán refrexados os traballos feitos polos rapaces a prol da biodiversidade.


AVISO IMPORTANTE: LEMBRADE QUE É NECESARIO AVISAR DA PARTICIPACIÓN DOS RAPACES PARA CADA ACTIVIDADE, CUN MÍNIMO DE DOUS DÍAS ANTES DA SÚA CELEBRACIÓN.

Podédelo facer chamando ou mandando unha mensaxe ó tfno. 679457222 ou ben ó correo electrónico fontainhavigo@yahoo.es

No hay comentarios: