27-10-24. Resumo do roteiro ornitolóxico pola Xunqueira do Lagares

O domingo 17-10-24 pola mañán un total de 20 persoas realizaron un percorrido circular pola Xunqueira do Lagares co obxectivo de coñecer as aves que viven neste espazo natural vigués. 

O roteiro comezou cunha parada na Foz do Lagares e a praia da Calzoa onde se puideron observar varias especies de gaivotas, corvo mariño cristado e limícolos (píllara real, pilro tridáctilo, pilro común e virapedras). Por desgraza, tamén o grupo comprobou "in situ" o efecto pernicioso para as aves que está a ter a declaración desta zona como praia canina. Unha medida da administración local totalmente desacertada e que carece de calquera lóxica e sensibilidade ambiental. No diálogo establecido entre os asistentes plantexouse como a opción máis sensata a reubicación deste necesario servizo para as mascotas a outro areal que non sexa unha zona importante para as aves migradoras que recalan en Vigo.

O paseo continuou polo barrio da Carrasqueira onde tivemos boas panorámicas da marisma, o muro das saíñas e os campos e bosques que protexen neste sector a marisma. Nesta zona observamos picapeixe, cotorra arxentina (especie invasora), aguia calzada (unha cita chamativa por ser unha rapaz moi pouco frecuente na zona) e identificamos o canto de varios paseriformes.

Rematamos a xornada cun percorrido perimetral polo paseo da Xunqueira do Lagares, onde vimos varios exemplares das seguintes especies: corvo mariño grande, garzota común, garza real, bilurico das rochas e tamen escoitamos un furamatos común.

Unha bonita excursión que permitiu dar conta da importancia que ten a Xunqueira do Lagares como enclave natural a nivel local.

Convocatoria de actividade de formación: Roteiro ornitolóxico pola Xunqueira do Lagares

O domingo 27 de outubro pola mañá (de 9 a 12-12,30 h.) realizarase un roteiro de observación de aves pola Xunqueira do Lagares.

A Xunqueira do Lagares é unha marisma situada na desembocadura do río Lagares que, apesares de non ser moi extensa en superficie, presenta unha variedade de especies de aves bastante salientable no contexto do municipio de Vigo. Pódense observar varias especies de garzas, limícolas, gaivotas, picapeixe, algunha rapaz así como paseriformes de zonas agrícolas e forestais.

https://es.wikipedia.org/wiki/Archivo:Foeragerende_oeverloper-4961816.webm

Polo seu fácil acceso e variedade de hábitats resulta un lugar idóneo para iniciarse na observación de aves.

O lugar de encontro e remate do roteiro será o polideportivo municipal de Samil ás 9:00 h.

O número de prazas é limitado (25 persoas acompañadas por dúas persoas monitoras).

Para esta actividade é imprescindible apuntarse previamente, mediante o envío dun correo electrónico a 

fontainhavigo@yahoo.es 

indicando os seguintes datos:

Nome participante/s

Tfno. de contacto

Os menores de 16 años deberán participar acompañados dun adulto que se faga cargo deles;  os menores de 16 a 18 anos poderán participar sós previa autorización dos seus pais ou titores (Enlace descarga documento autorización).

Lugar de encontro: Polideportivo municipal de Samil (Avda. de Samil, 32, Vigo).

A asociación aportará un par de telescopios e algúns prismáticos pero sería recomendable que aqueles participantes que teñan posibilidade de facelo traian os seus binoculares. Por tratarse dunha actividade de formación de voluntariado, todos os/as participantes contarán coa cobertura do correspondente seguro de RC e accidentes.

Recoméndase levar calzado axeitado para camiñas polo campo no inverno e roupa cómoda. O roteiro é circular, duns 3km de lonxitude e dificultade baixa.

Esta actividade de educación ambiental forma parte das accións incluídas no Apadriñamento de Espazos Naturais do Programa Libera organizado por SEO-Birdlife e Ecoembes

20-10-24 Resumo da xornada de voluntariado ecolóxico na Xunqueira do Lagares

Un grupo de persoas voluntarias adicou parte da mañán do domingo á limpeza das sinalizacións ambientais da Xunqueira do Lagares. 

A instalación de carteis sinalizadores e interpretativos constitúe unha boa forma poñer en valor un espazo natural, xa que permite ás persoas visitantes decatarse da importancia dos valores naturais da zona que está a percorrer. 

Na Xunqueira do Lagares hai tres carteis sinalizadores do espazo natural nas zonas de maior tránsito (instalados hai anos pola propia Asociación Fontaíña) e dous paneis interpretativos sobre avifauna da marisma (instalados polo Concello de Vigo e intregrados na senda do Lagares). 

A Asociación Fontaíña, mediante actividades de voluntariado ecolóxico, mantén en bo estado estas sinalizacións, reparando pequenos desperfectos, limpando as pintadas e aplicando un verniz protector contra graffitis.

20-10-24 Convocatoria de actividade de voluntariado ambiental na Xunqueira do Lagares

A Xunqueira do Lagares é unha marisma situada na foz do río Lagares. Trátase dun espazo de grande valor ecolóxico, e que serve de refuxio a numerosas aves migradoras. Ademais, ten valor histórico pola presenza dos restos dunha saíña do SXVIII. A asociación Fontaíña realiza regularmente actividades de voluntariado medioambiental como eliminación de especies exóticas invasoras, limpeza de residuos, plantación de especies autóctonas ou o coidado da sinalización ambiental deste espazo natural.

O vindeiro domingo 20 de outubro de 2024, de 10:00 a 13:00 horas, a Asociación Fontaíña organiza unha actividade de voluntariado ecolóxico na Xunqueira do Lagares, na que poderán participar un total de seis persoas acompañadas dun monitor. Nela se realizará unha limpeza dos carteis sinalizadores do espazo natural, eliminando as pintadas que presentan e aplicando un barniz protector que facilita a eliminación das mesmas.

A asociación facilitará ó voluntariado a formación previa, ferramentas, lubas, auga e avituallamento, ademais dun seguro de accidentes e de responsabilidade civil. O traballo das persoas voluntarias será dirixido por persoal de Fontaíña. A actividade conta cos necesarios permisos administrativos do Servicio de Costas de Pontevedra (Ministerio para la Transición Ecológica yel Reto Demográfico) e da Concellería de Medio Ambiente (Concello de Vigo).

Para esta actividade é imprescindible apuntarse previamente, mediante o envío dun correo electrónico a 

fontainhavigo@yahoo.es 

indicando os seguintes datos:

Nome participante/s

Tfno. de contacto

Os menores de 16 años deberán participar acompañados dun adulto que se faga cargo deles;  os menores de 16 a 18 anos poderán participar sós previa autorización dos seus pais ou titores (Enlace descarga documento autorización).

Lugar de encontro: Ponte de madeira do Lagares, na estrada Muíños-Samil. 

ENLACE UBICACIÓN DO PUNTO DE ENCONTRO

Recoméndase levar roupa de traballo que se poida manchar así como calzado que permita camiñar por zonas con vexetación húmida. 
________________________________

La Xunqueira do Lagares es una marisma ubicada en la desembocadura del río Lagares. Se trata de un espacio de gran valor ecológico, y que sirve de refugio a numerosas aves migradoras. Además, tiene valor histórico por la presencia de los restos de una salina del SXVIII. La asociación Fontaíña realiza regularmente actividades de voluntariado medioambiental como eliminación de especies exóticas invasoras, limpieza de residuos, plantación de especies autóctonas o el cuidado de la señalización ambiental de este espazo natural.

El próximo domingo 20 de octubre de 2024, de 10:00 a 13:00 horas, la Asociación Fontaíña organiza una actividad de voluntariado ecológico en la Xunqueira do Lagares, en la que podrán participar un total de seis persoas acompañadas de un monitor. En ella se realizará una limpieza de los carteles señalizadores del espacio natural, eliminando las pintadas que presentan y aplicando un barniz protector que facilita a eliminación de las mismas en futuras limpiezas.

La asociación facilitará al voluntariado la formación previa, herramientas, guantes, agua y avituallamento, ademas de un seguro de accidentes y de responsabilidad civil. El trabajo de las persoas voluntarias será dirigido por personal de Fontaíña. La actividad cuenta con los necesarios permisos administrativos del Servicio de Costas de Pontevedra (Ministerio para la Transición Ecológica y el Reto Demográfico) y de la Concellería de Medio Ambiente (Concello de Vigo). 

Para esta actividad es imprescindible apuntarse previamente mediante el envío de un correo electrónico a 

fontainhavigo@yahoo.es

indicando los siguientes datos:

Nombre y apellidos participante/s

Tfno. de contacto

Los menores de edad deben venir acompañados por una persona adulta. Los menores de 16 a 18 anos podrán participar solos previa autorización de sus padres o tutores (Enlace descarga documento autorización).


Lugar de encuentro: Puente de madera del Lagares, en la carretera Muíños-Samil. 

ENLACE UBICACIÓN DEL PUNTO DE ENCUENTRO

Se recomienda llevar ropa de trabajo que se pueda manchar así como calzado que permita caminar por zonas con vegetación húmeda. 

AVISO IMPORTANTE: Suspéndese a actividade do 6-10-24 na Xunqueira do Lagares

AVISO IMPORTANTE: por mor da previsión meteorolóxica con alerta amarela na costa decidimos suspender a actividade de limpeza na Xunqueira do Lagares, programada para o domingo 6-10-2024 de 10 a 12h.

Informamos tamén que a vindeira actividade será o domingo 20 pola mañán na Xunqueira do Lagares.